மத்திய கலாச்சாரத்துறை இணையமைச்சர் திரு வி. நாராயணசாமி சாகித்யஅகாதெமியின் விற்பனை மையத்திற்கு வருகை.

அண்மையில் புதுச்சேரிக்கு வருகை தந்த மாண்புமிகு மத்திய திட்டம், பாராளுமன்ற விவகாரங்கள் மற்றும் கலாச்சாரத்துறை இணையமைச்சர் திரு வி. நாராயணசாமி அவர்கள் புதுச்சேரியில் அமைந்துள்ள சாகித்யஅகாதெமியின் விற்பனை மையத்தினைப் பார்வையிட்டார். சாகித்ய அகாதெமியின் புதுச்சேரி விற்பனை மையத்திற்கு வருகைதந்த இணையமைச்சரை, சாகித்ய அகாதெமி பொதுக்குழு உறுப்பினரும் தமிழ் ஆலோசனைக்குழு உறுப்பினருமான மகரந்தன் வரவேற்றார். பின்னர், இந்த விற்பனை மையத்தினை வாசகர்கள் அமர்ந்து படிப்பதற்கு உண்டான வசதியுடன் விரிவுபடுத்த நடவடிக்கை எடுக்க வேண்டும் என்று அமைச்சரிடம் மகரந்தன் கோரிக்கை வைத்தார். அமைச்சர் அவர்கள் அதற்கு உண்டான நடவடிக்கைகளை எடுப்பதாக உறுதியளித்தார். புதுச்சேரி அரசின் கலை, பண்பாட்டுத்துறை இயக்குநர் திருமதி பானுமதி அவர்களும் உடனிருந்தார்.